Բերեզովսկին իսկապես ներողություն է խնդրել Պուտինից

Բորիս Բերեզովսկին մահից առաջ իսկապես նամակ է գրել ՌԴ նախագահ վլադիմիր Պուտինին. այս մասին The New Times-ին հայտնել է Բերեզովսկու մտերիմ ընկերուհին` Եկատերինա Սաբիրովան:

Կինը պատմել է, որ Բերեզովսկին իր կնոջ Ելենա Գորբունովայի հետ ժամերով քննարկել է գրել այդ նամակը, թե ոչ: Նա ասել է նաև, թե տեսել է այդ նամակի ձեռագրային տարբերակը: Բերեզովսկին կարդացել է նամակը Սաբիրովայի մոտ: Նամակում Բերեզովսկին ներողություն է հայտնել և խնդրել Ռուսաստան վերադառնալու հնարավորություն տալ:

Իսկ արդեն նախորդ տարվա նոյեմբերին գլխի է ընկել, որ նամակն ուղարկված է արդեն, քանի որ Բերեզովսկին ասել է իրեն. «Վերջ, սպասում ենք պատասխանի»: