Լուկաշենկոն ներողություն է խնդրել Պուտինից. տեսանյութ

Բելառուսի նախագահ Ալեքսանդր Լուկաշենկոն ներողություն է  խնդրել ՌԴ նախագահ Վլադիմիր Պուտինից` գազի գնի թեմայով հրապարակային վեճի համար. հայտնում է РИА Новости-ն:

Հիշեցնենք, որ Ռուսաստանի և Բելառուսի նախագահներ Վլադիմիր Պուտինը և Ալեքսանդր Լուկաշենկոն ԵԱՏՄ բարձրագույն խորհրդի նիստի ժամանակ թեթև վիճել են գազի գնագոյացումը քննարկելիս:

Լուկաշենկոն ուշադրություն է հրավիրել բելառուս սպառողների համար գործող պայմաններին` վառելիքը արժե 130 դոլար` 1000 խորանարդի համար, իսկ ռուս սպառողների համար` 70 դոլար:Պուտինն ի պատասխան ասել է, որ եթե Բելառուսի համար գործեր շուկայական գին, ապա գազը կարժենար 1000 խորանարդի համար 200 դոլար, ոչ թե` 130: Այնուհետև նա առաջարկել է քննարկել այդ հարցն ավելի ուշ` փակ ռեժիմով:

Լուկաշենկոյի խոսքով` ինքը կոռեկտ չի արտահայտվել: «Հետո ստիպված եղա ներողություն խնդրել այսօրվա հանդիպման տիրոջից: Շատ բուռն բացատրություն էր, սակայն դուք ավելի լավ է,  դա չլսեք»,- ասել է նա լրագրողի հետ զրույցում:

Տեսանյութը` ստորև: