Գրիգոր Գրիգորյանը կգոտեմարտի բրոնզե մեդալի համար

Թբիլիսիում շարունակվում է ըմբշամարտի Եվրոպայի առաջնությունը:

Մրցումային երրորդ օրը մրցագորգ դուրս եկան 74 կգ քաշային Գրիգոր Գրիգորյանը և 120 կգ քաշային Անդրանիկ Գալստյանը: Վերջինս պարտվեց հենց առաջին գոտեմարտում՝ 0:15 : Գերմանացի Նիկ Մաթուհինին գետնեց հայ ըմբիշին:

 74 կգ քաշային Գրիգոր Գրիգորյանը փայլուն մեկնարկ ունեցավ: Հայ ըմբիշն առաջին երկու գոտեմարտերը հաղթեց մեծ առավելությամբ: Նախ` 9:3 հաշվով հաղթեց հույն Ապոստոլոս Տասկուդիսին, ապա՝  քառորդ եզրափակիչում՝  6:0 հաշվով պարտության մատնեց մոլդովացի Բուրկա Ալեքսանդրուին: Սակայն կիսաեզրափակիչում հայ ըմբիշին չհաջողվեց առավելության հասնել ռուս Անվար Գեդուևի նկատմամբ: Այժմ Գրիգոր Գրիգորյանը՝  բրոնզե մեդալի համար կգոտեմարտի բուլղարացի ըմբիշ՝ Լեոնիդ Բազանի հետ:

Տեղեկացնենք, որ Գրիգոր Գրիգորյանը առաջին անգամ է մասնակցում մեծահասակների առաջնությանը: