Նախկին առաջին տիկինը ծաղրո՞ւմ է ներկայիս նախագահին

Կասկածներ կան, որ Ֆրանսիայի նախկին նախագահ Նիկոլա Սարկոզիի կինը` Կարլա Բրունին, ծաղրում է ներկայիս նախագահ Ֆրանսուա Հոլանդին իր նոր` Little french songs ալբոմի երգերից մեկում. տեղեկացնում է ИТАР-ТАСС-ը:

Ալբոմը վաճառքի կհանվի ապրիլի 1-ից, սակայն լրագրողներն արդեն լսել են այն եւ նրանց ուշադրությւնը գրավել է «Պինգվին» երգը: «Նա լուրջ տեսք է ընդունում, սակայն ես գիտեմ, որ նա թագավորական շարժուձեւ չունի: Ո'չ տաք, ո'չ սառը, ո'չ այո, ո'չ էլ ոչ: Նայիր, պինգվի'ն, դու միայնակ ես քո այգում»,- երգում է Բրունին:

«Պարոն ո'չ այո, ո'չ էլ ոչ». սա Հոլանդի մականուններից է, քանի որ նա կարողանում է հեշտությամբ շրջանցել իր համար տհաճ հարցերը:

Ինքը` Բրունին, կտրականապես հերքում է  «չար լեզուների» տարածածը եւ վստահեցնում ու քաղաքական երգիծանքի մասին խոսք անգամ չկա, իր երգը շարքային գռեհիկների մասին է:

Ֆրանսիայի քաղաքական շրջանակները չեն մեկնաբանում երգը: