Լրատվամիջոցում հայհոյելու համար` տուգանք

Պետդումայի պատգամավորներն այսօր երկրորդ ընթերցմամբ ընդունել են օրինագիծը, համաձայն որի` լրատվամիջոցները հայհոյանքներ, անպատշաճ խոսքեր և արտահայտություններ օգտագործելու դեպքում կտուգանվեն. հայտնում է «Նովոստի» գործակալությունը:

Օրենքի նախագիծը խոհրդարանում ներկայացվել էր այս տարվա հունվարի կեսերին:

Համաձայն օրենքի` լրատվամիջոցներում անպարկեշտ արտահայտությունների համար քաղաքացիները կտուգանվեն 2-3 հազար ռուբլիով (մոտ 26-39 հազար դրամ), իսկ պաշտոնատար անձինք` 5-20 հազար ռուբլիով (65-260 հազար դրամ):

Պատգամավոր Դմիտրի Վյատկինի խոսքերով՝ թե որո՞նք են անպարկեշտ խոսքերն ու հայհոյանքները, որոշելու են բանասեր-փորձագետները:

Վյատկինը նշել է նաև, որ անպարկեշտ արտահայտությունները հիմնականում հնչում են հեռուստա- և ռադիոեթերից` հիմնականում ուղիղ թողարկումների ժամանակ:

Պատգամավորը հայտնել է, որ օրենքի կիրառելիությունը տարածվելու է նաև ինտերնետային մամուլի վրա: