Թբիլիսիում պահանջել են ձերբակալել Յուրի Բաշմետին

Բարեգործական համերգի մասնակցելու նպատակով Թբիլիսի այցելած ռուսաստանցի դիրիժոր, ալտահար Յուրի Բաշմետին մի քանի տասնյակ ցուցարարներ պահանջել են ձերբակալել այն բանի համար, որ նա ժամանակին այցելել է Հարավային Օսիա եւ Աբխազիա, ինչը հակասում է «Օկուպացված տարածքների մասին» վրացական օրենքին. տեղեկացնում է Regnum գործակալությունը:

Սակայն Վրաստանի ՆԳՆ-ն հայտարարում է, որ Յուրի Բաշմետի անձնագրում Աբխազիա այցելության մասին դրոշմակնիք չկա:

Բողոքի ակցիայի մասնակիցները հիշեցրել են, որ 2008 թվականի օգոստոսյան պատերազմից անմիջապես հետ Բաշմետը համերգ է տվել Ցխինվալում, իսկ 2012 թվականին` Աբխազիայում, որտեղ նրան ընդունել է նաեւ Աբխազիայի նախագահ Ալեքսանդր Անկվաբը: