Բաքուն Կիպրոսի ոստիկանությունից պահանջել է ձերբակալել և արտահանձնել ԵԽ նախկին պատգամավոր Էլենի Թեոխարուսին՝ Արցախի ժողովրդին ցուցաբերած աջակցության համար

Արցախի ԱԺ նախագահի խորհրդական Անուշ Ղավալյանը ֆեյսբուքյան էջում գրում է.

«Բաքուն Կիպրոսի ոստիկանությունից պահանջել է ձերբակալել և արտահանձնել Եվրախորհրդարանի նախկին պատգամավոր Էլենի Թեոխարուսին՝ Արցախի ժողովրդին ցուցաբերած աջակցության համար։

Ալիևը ամեն անգամ ցույց է տալիս, որ իր համար մարդու իրավունք հասկացություն գոյություն չունի․ լինի դա Ադրբեջանի ներսում, թե դրա սահմաններից դուրս», - գրում է Ղավալյանը:

Հիշեցնենք, որ Էլենի Թեոխարուսը հայտնի հույն մանկաբույժ, վիրաբույժ, գրող և հասարակական-քաղաքական գործիչ է: 2001 թ. դարձել է Կիպրոսի խորհրդարանի անդամ, 2003 թ. ԵԽ պատգամավոր: Թեախարուսի գլխավոր նպատակի կիպրոսյան հարցի լուծումն է (1974 թ. ցօրս կղզին բաժանված է երկու մասի՝ հունական և թուրքական): Արցախի ժողովրդի ինքնորոշման և Արցախը Հայաստանին միավորվելու կողմնակիցն է: