կարևոր
2668 դիտում, 6 ամիս առաջ - 2023-09-25 18:32
Քաղաքական

Վաղը նախատեսված է Սամանթա Փաուերի և Յուրի Քիմի այցը Կոռնիձոր. Վարդան Սարգսյան

Վաղը նախատեսված է Սամանթա Փաուերի և Յուրի Քիմի այցը Կոռնիձոր. Վարդան Սարգսյան

Վաղը՝ սեպտեմբերի 26-ին, նախատեսվում է ԱՄՆ ՄԶԳ տնօրեն Սամանթա Փաուերի եւ ԱՄՆ Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմի այցը Կոռնիձոր: Այս մասին այսօր՝ սեպտեմբերի 25-ին, Կոռնիձորում լրագրողների հետ ճեպազրույցում ասաց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:

Նշենք, որ ամերիկացի պաշտոնյաները պատվիրակությամբ Հայաստան են ժամանել այսօր: Նրանք այցելել են Ծիծեռնակաբերդի հուշահամալիր եւ հարգանքի տուրք մատուցել Հայոց ցեղասպանության զոհերի հիշատակին։

Ավելի վաղ հայտնել էինք, որ այսօր՝ սեպտեմբերի 25-ին, Հայաստան է ժամանել ԱՄՆ Միջազգային զարգացման գործակալության տնօրեն Սամանթա Փաուերը՝ հաստատելու ԱՄՆ աջակցությունը Հայաստանի ինքնիշխանությանը, անկախությանը, տարածքային ամբողջականությանը, ժողովրդավարությանը, ինչպես նաև քայլեր ձեռնարկելու Լեռնային Ղարաբաղում տեղի ունեցած վերջին բռնություններից բխող հումանիտար կարիքների բավարարման ուղղությամբ։

ԱՄՆ ՄԶԳ տնօրեն Փաուերի հետ Հայաստանում է Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմը։

Միացյալ Նահանգները շարունակում է աջակցել տարածաշրջանում արժանապատիվ ու տևական խաղաղություն հաստատելու Հայաստանի ջանքերին։

Միացյալ Նահանգները խորապես մտահոգված է Լեռնային Ղարաբաղում տիրող հումանիտար իրավիճակի մասին հաղորդումներով և կոչ է անում անարգել մուտք ապահովել միջազգային հումանիտար կազմակերպությունների և կոմերցիոն փոխադրումների համար։