Իսրայելցի նախարարին սպանողը դարձել է ֆրանսիական քաղաքի պատվավոր քաղաքացի

Պաղեստինցի Մաջդի ալ Ռիմավին, ով 2001-ին մասնակցել է Իսրայելի զբոսաշրջության նախարար Ռեհավամա Զեևի սպանությանը, դարձել է Փարիզի արվարձանի` Բեզոնի պատվավոր քաղաքացի. հայտնում է Лента.ру-ն:

Բեզոնի քաղաքային խորհուրդը դեռեւս փետրվարին է ընդունել  համապատասխան որոշումը`Ռիմավիին անվանելով իր համոզմունքների համար տուժած քաղբանտարկյալ: Պատգամավորների կարծիքով` պաղեստինցին միայն պաշտպանել է «իր քաղաքն ու նրա բնակիչներին»:

Զեևիին սպանել էին 2001-ին` վրեժխնդիր լինելով Պաղեստինի Ազատագրության ժողովրդական ճակատի գլխավոր քարտուղարի սպանության համար: Ալ Ռիմավին նախարարի վրա հարձակված չորս գրոհայիններից մեկն էր: