Հախվերդյանը չգիտի` ″Մեցցո″-ն ի՞նչ բողկ ա կերել, որ տոմսերը թանկ է

Մարտի 18-ին «Արամ Խաչատրյան» համերգասրահում մենահամերգով հանդես կգա երգիչ, երգահան Ռուբեն Հախվերդյանը:

Լրագրողների հետ հանդիպման ժամանակ Հախվերդյանը նշեց, որ, բացի դրանից, համերգ ունի «Մեցցո»-ում:

«Համերգին կհնչեն հին եւ նոր երգեր, մասնավորապես՝ կհնչի երկու նոր երգ, որոնցից մեկի վրա աշխատել եմ 12 տարի: Լինում են երգեր, որ ես շատ երկար եմ գրում, օրինակ` «Արտագաղթը» գրել եմ 7 տարում. վերջին տունը չէի կարողանում գրել»,- պատմեց նա:

Հարցին, թե համերգի տոմսերն ինչո՞ւ են այդքան թանկ` մինչեւ 20 000 դրամ, Հախվերդյանը պատասխանեց, որ իր համերգի տոմսերը միշտ էլ 3000-5000 դրամ են եղել. «Կարող ա «Մեցցո»-ում լինի այդքան. ես չգիտեմ «Մեցցո»-ն ի՞նչ բողկ ա կերել, բայց ֆիլհարմոնիայում նույն գինն ա, ինչ միշտ»: