Ահա, թե ինչպես է նկարվել Սերժ Սարգսյանի 58 տոկոս հաղթանակը ''Ժողովուրդ''

«Երբ փետրվարի 18-ին կայացած նախագահի ընտրությունների արդյունքներն ուսումնասիրում ենք ըստ ընտրատեղամասերի, բավական հետաքրքիր պատկեր է պարզվում: Հատկապես հեռավոր գյուղերում իշխանություններն ապահովել են մասնակցության բարձր ցուցանիշ, ընդ որում մասնակիցների մեծ մասը քվեարկել է հենց Սերժ Սարգսյաևի օգտին։ Պատկերն ավելի սոսկալի է հատկապես բարձրաստիճան պաշտոնյաների տիրապետության տակ գտնվող գյուղերում՝ նրանց ծննդավայրերում։

Ս. Սարգսյանի ծննդավայր Տեղ գյուղում 891 հոգուց քվեարկության մասնակցել է 831-ը, որից 812-ը քվեարկել են հենց նրա օգտին։ Աժ նախագահ Հովիկ Աբրահամյանի հայրենի գյուղում` Մխչյանում, 3688 ընտրողից մասնակցել է 3017-ը, և նրանցից 2899-ը քվեարկել է հօգուտ Ս. Սարգսյանի։ Ահա թե ինչպես է նկարվել Ս. Սարգսյանի 58 տոկոս հաղթանակը»,- գրում է «Ժողովուրդ» օրաթերթը։