Օլիմպիական չեմպիոն Արմեն Նազարյանը սկսել է հացադուլը

Հանրահայտ ըմբշամարտիկ, կրկնակի Օլիմպիական չեմպիոն (1996թ. (Հայաստան) 2000թ.(Բուլղարիա) Արմեն Նազարյանը  հացադուլ է սկսել: Այդ քայլին նա գնացել է ի նշան բողոքի` ՄՕԿ-ի հայտարարության համար, ըստ որի ըմբշամարտը հայտնվել է 2020-ի Օլիմպիական խաղերից դուրս մնացող սպորտաձևերի ցուցակում:

Ըմբշամարտիկը հույս ունի, որ նման քայլով կկարողանա հետ համոզել ՄՕԿ-ին` չգնալու այդ քայլին:

«Ես հայտարարում եմ հացադուլ` ի նշան բողոքի: Ըմբշամարտը միշտ եղել է ՕԼիմպիական ծրագրերում և այն հանելը սարսափելի սխալ է: 

Հացադուլի ժամանակ խմելու եմ միայն օշարակ: Ինձ կմիանա նաև Բուլղարիայի ըմբշամարտի հավաքականի գլխավոր մարզիչը»,- հայտարարել է Նազարյանը:

Հայ ըմբիշի հացադուլը կավարտվի  մարտի 22-ին` ըմբշամարտի Եվրոպայի առաջնության ժամանակ, որը անցկացվելու է Թբիլիսիում:

Հիշեցնենք, որ ավելի վաղ ի նշան բողոքի Օլիմպիական չեմպիոններ դաղստանցի Սահիդ Մութրազալիևրը Բուլղարիայի ըմբշամարտի ֆեդերացիայի նախագահ Վալենտին Յորդանովը ՄՕԿ-ին են վերադարձրել իրենց Օլիմպաիական ոսկե մեդալները: