Հակամարտությունը կսրվի, եթե Բաքուն նույնիսկ մեկ հայկական օդանավ վնասի

Եթե Բաքուն հարվածի նույնիսկ մեկ հայկական օդանավի, ապա չի բացառվում, որ Ռուսաստանը ռազմական գործողություններ սկսի Ադրբեջանի հյուսիսում, և Ադրբեջանը կհայտնվի մասնակի մեկուսացման մեջ: Այս մասին ասել է պատմաբան, «Գոլոս Ռոսիի» ռադիոկայանի Կովկասում հեռարձակման բաժնի պետ Իվան Սուխովը Vesti.Az-ի հետ զրույցում:

Խոսելով Արցախյան հակամարտության մասին` նա ասել է, որ զինադադարից մինչ օրս գրեթե ոչինչ չի փոխվել այս գործընթացներում:

«Կարծում եմ` ներկայումս Ռուսաստանը, ինչպեսև ԵԱՀԿ Մինսկի խմբի համանախագահ մյուս երկրները, իրականում շահագրգռված են, որպեսզի պահպանվի ստատոս քվոն: Եթե Ադրբեջանն անգամ մեկ օդանավի հարվածի, ապա դա կհանգեցնի Ղարաբաղյան հակամարտության սրման: Այս դեպքում  Ռուսաստանը, հնարավոր է, բացահայտ չօգնի Հայաստանին, բայց հաստատ չի էլ աջակցի ադրբեջանական կողմին»,- ասել է Սուխովը: