Իրանն ԱՄՆ-ի հետ «վեցյակից» դուրս բանակցելու կարիք չունի

Իրանն իր միջուկային ծրագրի շուրջ ԱՄՆ-ի հետ «վեցյակից» դուրս բանակցելու կարիք չունի, սակայն, միևնույն ժամանակ, կոչ է անում նրան Թեհրանի հետ համագործակցելու ցանկություն դրսևորել: Այդ մասին  CNN-ին տված հարցազրույցում հայտարարել է Իրանի անվտանգության հարցերի բարձրագույն խորհրդի քարտուղար Սայիդ Ջալիլին. գրում է РИА Новости-ն:

«Մենք համարում ենք, որ «վեցյակը» ամերիկացիներին բավարար հնարավորություն է ընձեռում` իրեց հուզող հարցերը բարձրացնելու համար: Սակայն մեր ժողովրդի համար կարևոր է, թե ինչպես է իրեն դրսևորում ԱՄՆ-ը: ԱՄՆ-ը պետք է հասկանա, որ ճնշում գործադրելը լավագույն ուղին չէ, հարցը կարելի է լուծել միայն համագործակցության միջոցով»,- ասել է Ջալիլին: