ԱՄՆ-ի նոր պատժամիջոցները ցույց տվեցին, որ Թեհրանի հետ բանակցելու մասին հայտարարությունները փուչ էին. Իրանի ԱԳՆ

 ԱՄՆ-ի պատժամիջոցներն Իրանի նավթաքիմիական ընկերությունների նկատմամբ ցույց տվեցին, որ Վաշինգտոնի հայտարարությունները Թեհրանի հետ բանակցությունների մասին փուչ էին: Այդ մասին հայտարարել է Իրանի ԱԳՆ պաշտոնական ներկայացուցիչ Աբաս Մուսավին. հայտնում է РИА Новости-ն:

Նա նաև նշել է, որ դա միջազգային իրավունքի սկզբունքների խախտում է, նաև` հավելել, որ Վաշինգտոնը նման կերպ տնտեսական ահաբեկչություն է իրականացնում Իրանի դեմ:

Մեկ օր առաջ ԱՄՆ-ը լրացուցիչ պատժամիջոցներ է սահմանել 39 իրանական ընկերությունների դեմ: Դրանք սահմանվել են Իսլամական հեղափոխության պահապանների կորպուսի հետ կապված ընկերություններին ցուցաբերվող աջակցության պատճառով: