ՕԵԿ խմբակցությունում ''կենդանի'' մարդ չկա

Արդեն մի քանի օր է, ինչ «Ժողովուրդ»-ը փորձում է իշխող կոալիցիայի անդամ ՕԵԿ-ականներից պարզել, թե, ի վերջո, ինչու ՕԵԿ-ը պաշտոնապես չի շնորհավորում նախագահ «ընտրված» Սերժ Սարգսյանին, ու ընդհանրապես, իրենք ինչպես են գնահատում տեղի ունեցած ընտրությունները:

Երեկ ԱԺ ՕԵԿ խմբակցության անդամ Հովհաննես Մարգարյանը խոստացել է պատասխանել «Ժողովուրդ»-ի հարցին, սակայն ժամեր անց ասել է, թե շատ զբաղված է: ԱԺ ՕԵԿ խմբակցության ղեկավար Հեղինե Բիշարյանը եւս լրջագույն գործերով էր զբաղված. նշում է թերթը: Մհեր Շահգելդյանն էլ հիվանդ է եղել ու խոստացել թերթի հարցերին պատասխանել այսօր:

Այսպիսով, գրում է «Ժողովուրդը», 6 հոգուց բաղկացած այս խմբակցությունում մի «կենդանի» մարդ չկա, որպեսզի պատասխանի երկրի թիվ մեկ իրադարձությանն առնչվող հարցերին: