ԲՀԿ-ին չեն հրավիրել

Արդեն տեղեկացրել ենք, որ ԱԺ նախագահ Հովիկ Աբրահամյանի մոտ այսօր, ԱԺ ՀՀԿ, ՀՅԴ եւ «Ժառանգություն» խմբակցության ղեկավարների մասնակցությամբ,  խորհրդակցություն է տեղի ունեցել հետընտրական իրավիճակը քննարկելու վերաբերյալ:

ԱԺ ԲՀԿ խմբակցության պատգամավոր Էլինար Վարդանյանը հայտնեց, որ ԲՀԿ-ն չի մասնակցել խորհրդակցությանը, որովհետեւ տեղյակ չեն եղել, հրավեր չեն ստացել: Թե խորհրդակցության ժամանակ ինչպիսի տարբերակներ են առաջարկվել, Վարդանյանը նույնպես տեղյակ չէր:

Դիտարկմանը, թե տեխնիկական մեղավորությունն ո՞ւմն է՝ ԱԺ նախագահի՞նը, թե՞ «Ժառանգությանը», ԲՀԿ-ական պատգամավորը պատասխանեց, որ որեւէ մեկին մեղավոր դիտել չի ցանկանում:

ԲՀԿ-ական պատգամավորն ընդգծեց, որ իրենք պետք է հստակ իմանան, թե ինչ հարցեր են քննարկվել` վերջնական տեսակետ հայտնելու համար: