Չինաստանում ''քաղցկեղային'' գյուղեր կան

Չինաստանում բնակավայրեր կան, որոնց գրեթե բոլոր բնակիչները հիվանդ են քաղցկեղով: Երկրի շրջակա միջավայրի պաշտպանության նախարարությունը խոստովանել է, որ Չինաստանում դեռեւս կիրառվում են վնասակար քիմիական նյութեր, որոնք արգելված են շատ երկրներում. տեղեկացնում է Росбалт-ը:

Չինական ԶԼՄ-ները գրում են, որ գործարանների, աղտոտված ջրամբարների մոտակայքում գտնվող, այսպես կոչված, «քաղցկեղային» գյուղերի բնակիչների շրջանում քաղցկեղով հիվանդացության դեպքերը գնալով շատանում են:

Ի դեպ,  Չժեցյան նահանգի ձեռնարկատերերից մեկը ջրամբարների մաքրության համար պատասխանատու պաշտոնյաներին առաջարկում է 20 հազար դոլար Ռույան քաղաքով հոսող գետում 20 րոպե լողալու համար: Բնականաբար, ոչ ոք այդ գումարը ստանալու ցանկություն չի հայտնել: