Երբ ԱՄՆ-ում ծախսում են ուրիշի գումարները

Միացյալ Նահանգների կոնգրեսական, նախագահ Բարաք Օբամայի Դեմոկրատական կուսակցությանը հարող Ջեսի Ջեքսոնը մեղավոր է ճանաչվել նախընտրական հիմնադրամի գումարները աննպատակ ծախսելու մեջ եւ դատապարտվել 5 տարվա ազատազրկման: Մասնավորապես` 47-ամյա Ջեքսոնը յուրացրել է 750.000 դոլարի չափով գումար իր սեփական կարիքները հոգալու, ճամփորդելու, իր տան համար շքեղ կահույք գնելու ու շատ այլ բաների վրա:

Նա նաեւ խոստովանել է, որ 43.350 դոլարով Rolex ժամացույց է գնել, ինչպես նաեւ բավականին շատ գումար ծախսել հայտնի փոփ երգիչ Մայքլ Ջեքսոնի կիթառը գնելու համար:

Ջեքսոնը, ի դեպ, երկրում մեծ ճանաչում ուներ որպես ԱՄՆ-ում հայտնի մարդու իրավունքների պաշտպանի որդի: