Թե ինչ են քննարկել Սարգսյանն ու Հովհաննիսյանը

Yerkir.am-ը ժամեր առաջ նախագահի նստավայրում կայացած Րաֆֆի Հովհաննիսյան-Սերժ Սարգսյան հանդիպմանն արդեն անդրադարձել է:

Նախագահի պաշտոնական կայքը տեղադրել էր հանդիպման կարճ տեսանյութը, որտեղ քաղաքական գործիչները որոշում են կայացնում զրուցել առանց լրագրողների, իսկ Հովհաննիսյանը, դուրս գալով նախագահականից, հայտարարեց, որ հանդիպման մանրամասները կհրապարակի վաղը` Ազատության հրապարակում:

Քիչ առաջ, սակայն, President.am-ը հրապարակեց հանդիպման որոշ մանրամասներ: Նախագահի պաշտոնական կայքում տեղադրվել է հետևյալ հաղորդագրությունը.

«Նախագահ Սերժ Սարգսյանն ընդունել է «Ժառանգություն» կուսակցության ղեկավար Րաֆֆի Հովհաննիսյանին: Քննարկվել է ՀՀ նախագահական ընտրություններին և հետընտրական շրջանին վերաբերող հարցերի լայն շրջանակ: Սերժ Սարգսյանը և Րաֆֆի Հովհաննիսյանը կարևորել են բոլոր գործընթացները ՀՀ Սահմանադրության և օրենքների շրջանակներում իրականացնելու առաջնահերթությունը»: