Սիրիացի ապստամբների եւ քրդերի միջեւ համաձայնություն է ձեռք բերվել

Երեկ սիրիական Ռաս էլ Այն քաղաքում, որը սահմանակից է Թուրքիային, այսպես կոչված` Սիրիական ազատ բանակի դաշտային հրամանատարների եւ քուրդ աշխարհազորայինների միջեւ կրակի դադարեցման մասին համաձայնություն է ձեռք բերվել:

Այդ քայլին գնալ նրանց համոզել է ընդդիմադիր գործիչ Միշել Կիլոն, որը միջնորդի դեր է կատարել. տեղեկացնում է Взгляд-ը:

Ըստ համաձայնագրի` «Ջեբհաթ ան Նուսրա» ծայրահեղական խմբավորման անդամները եւ դրա` Սիրիական ազատ բանակի մաս կազմող դաշնակիցները դադարեցնում են Ռաս էլ Այնայի շրջափակումը, իսկ քրդերը թույլ են տալիս նրանց ազատ տեղաշարժվել քաղաքում` առանց զենքի: Կողմերը կարող են առանց սահմանափակումների օգտվել Թուրքիայի հետ սահմանային անցակետից:

Ընթացիկ հարցերի կարգավորման համար ստեղծվելու է համատեղ կազմկոմիտե: