Բելառուսի ներկայացուցիչը գովեց իշխանություններին

Ընտրությունների կազմակերպիչները խնդիր ունեին` ցույց տալու, որ ընտրությունները եղել են ազատ, արդար եւ թափանցիկ, որպեսզի դրանք կասկածի տակ չդրվեն այս կամ այն կերպ. լրագրողներին այսօր ասաց ԱՊՀ դիտորդական առաքելության անդամ, Բելառուսի ներկայացուցիչ Նիկոլայ Լոզովիկը:

Նա ուշադրություն հրավիրեց այն հանգամանքի վրա, որ որոշ մարդիկ ցանկություն ունեն հավաքվել եւ վիճարկել ընտրությունների արդյունքները, ինչն ինքն անձամբ այնքան էլ ճիշտ չի համարում: Դրա պատճառը բանախոսը համարում է այն, որ Հայաստանում ընտրություններն արդեն անցնում են քաղաքակիրթ մթնոլորտում`  իշխանություններն ընտրվում են ոչ թե հանրահավաքներում, այլ ընտրություններում, եւ որ ընտրությունների կազմակերպիչները ապացուցել են, որ իրենք կարող են ընտրություններն անցկացնել ամենաբարձր մակարդակով: