ԿՀՎ-ն մահմեդական է ղեկավարում

Հետաքննությունների դաշնային բյուրոյի նախկին գործակալ Ջոն Գվանդոլոն սենսացիոն հայտարարություն է արել: Ռադիո-թոկ-շոուի ժամանակ նա ասել է, որ ամիսներ առաջ նախագահ Օբամայի կողմից Կենտրոնական հետախուզական վարչության ղեկավար նշանակված` 57-ամյա Ջոն Բրենանը մահմեդական է: Իսլամը նա ընդունել է գաղտնի` 1990-ականների վերջին, երբ հատուկ առաջադրանքով Սաուդյան Արաբիայում էր: 

Գվանդոլոն նաեւ հայտնել է, որ Բրենանը հաջ է կատարել Մեդինա եւ Մեքքա, ընդ որում` արաբական պետությունների պաշտոնյաների ուղեկցությամբ. տեղեկացնում է Комсомольская правда-ն:

2008-ին ՀԴԲ-ից հեռացած գործակալը չի մանրամասնել, թե որտեղից իրենց այդ տեղեկությունները, սակայն նշել է, որ Բրենանի ընկերությունը արաբների հետ եւ նրա որոշման հասունացումը կատարվել է Էր Ռիյադում ԱՄՆ դեսպանության աշխատակիցների աչքի առաջ: