Ժամանակակից գրողների գործերը թարգմանվել են պարսկերեն

«Իրանի մշակույթի օրերը Հայաստանում» միջոցառումների շրջանակներում լույս է տեսել «Ժամանակակից հայ արձակը պարսկերեն» ժողովածուն:

Գրքում ներառված են 16 հայ գրողների շուրջ 22 ստեղծագործություններ: Թարգմանության հեղինակն է Էմմա Բեգիջանյանը:

Հայաստանում Իրանի Իսլամական Հանրապետության դեսպանատան մշակույթի կենտրոնի ղեկավար Մեհրան Շիրավանդը հավաստիացնում է, որ գիրքն այնքան հետաքրքիր է, որ մի քանի անգամ է ընթերցել: «Գրքին արդեն իսկ հասցրել են ծանոթանալ Իրանում, եւ այն մեծ համբավ ունի: Պատմվածքների թեմատիկան մեզ շատ հոգեհարազատ էր, հայ գրականությունը շատ նման է իրանական գրականությանը: Պատմվածքները կարդալով` իրանցին երբեք չի մտածի, որ սա օտարերկրացու կյանքի պատմությունն է»,- ասաց Շիրավանդը: