Իրանը չի զիջի իր տարածքի ոչ մի թիզը․ Փեզեշքիան

Իրանը չի զիջի իր տարածքի ոչ մի թիզը, հայտարարել է Իրանի նախագահ Մասուդ Փեզեշքիանը։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանի քարտեզը կարող է փոխվել ամերիկյան հարձակումից հետո՝ իրավիճակը պատերազմ անվանելով։

«Մենք թույլ չենք տա, որ նրանք զավթեն մեր երկրի հողի ոչ մի թիզը», – ասել է Փեզեշքիանը։

Նա նաև նշել է, որ Մերձավոր Արևելքի իրավիճակի վերաբերյալ իր մեկնաբանությունները սխալ են մեկնաբանվել, և որ «թշնամին» ցանկանում է, որ Իրանը պատերազմի մեջ լինի Մերձավոր Արևելքի հետ։

Ավելի վաղ Փեզեշքիանը հայտարարել էր, որ Թեհրանը որոշել է չհարվածել հարևան երկրներին, եթե նրանք չհարձակվեն։ Նա նաև ներողություն է խնդրել այն երկրներից, որոնք հարձակման են ենթարկվել Իրանի կողմից ԱՄՆ-ի և Իսրայելի հարձակումից հետո։