Քաղաքական սկանդալ՝ Իրանում

Իրանի նախագահ Մահմուդ Ահմադինեժադը եւ խորհրդարանի խոսնակ Ալի Լարիջանին փոխանակվել են մեղադրանքներով: 1rre.ru կայքի համաձայն՝ Ահմադինեժադը խոսնակի ընտանիքին, մասնավորապես՝ նրա 5 եղբայրներին մեղադրել է կոռուպցիայի մեջ: Նա նաեւ հայտարարել է, որ խոսնակի եղբայրներից մեկը՝ Ֆազելա Լարիջանին, օգտագործել է եղբոր պաշտոնը՝ ընտանեկան բիզնեսը զարգացնելու համար, իսկ իր հնչեցրած մեղադրանքները կարող է ապացուցել համապատասխան ձայնագրությամբ:

Իր հերթին, Լարիջանին հայտարարել է, որ այդ ամենն ապատեղեկատվություն է: Նա նաեւ մտադիր է դատական հայց ներկայացնել նախագահի դեմ՝ կեղծ տեղեկատվություն տարածելու եւ իրեն վարկաբեկելու համար:

Комсомолская правда-ն գրում է, որ տեղի ունեցած «լեզվակռիվը» պայմանավորված է հունիսին նախանշված խորհրդարանական ընտրություններով: Խորհրդարանը չի ցանկանում, որ Ահմադինեժադը վերընտրվի, իսկ Լարիջանին նախագահի պաշտոնը ստանձնելու մեծ հնարավություն ունի: