Սկանդալ. Գյուրջինյանը ռեկտորի ԺՊ է նշանակվել նախքան Լեզվի կոմիտեի նախագահի պաշտոնից ազատվելը

2023 թ. մարտի 15-ին  Վ. Բրյուսովի անվան պետական համալսարանում ԿԳՄՍ նախարար Ժաննա Անդրեասյանը գիտական խորհրդի անդամներին ներկայացրեց բուհի ռեկտորի ժամանակավոր պաշտոնակատարին` բանասիրական գիտությունների թեկնածու Դավիթ Գյուրջինյանին:

Գյուրջինյանը զբաղեցնում էր Լեզվի պետական կոմիտեի նախագահի պաշտոնը, և, ինչպես բոլոր դեպքերում, այլ պաշտոնի նշանակվելու դեպքում նախ ազատում են զբաղեցրած պաշտոնից, ապա նշանակում նորին:

Սակայն ՀՀ ներկա իշխանությունների օրոք շարունակվում են խախտվել բոլոր իրավական-օրենսդրական նորմերը. Գյուրջինյանի նշանակումը ևս բացառություն չէր:

Այսպես, Հայաստանի Հանրապետության էլեկտրոնային կառավարման կայքում (e-gov.am) այսօր` մարտի 17-ին հրապարակվում է ՀՀ վարչապետի որոշումը Դավիթ Գյուրջինյանին Լեզվի պետական կոմիտեի նախագահի պաշտոնից ազատելու վերաբերյալ:

Ստացվում է, որ Գյուրջինյանի նոր պաշտոնին նշանակել են առանց ազատելու նախկին պաշտոնից, ինչը օրենքի կոպտագույն խախտում է: