Ծեծելով սպանել է բժշկին (տեսանյութ)

Անցած գիշեր աղմկահարույց դեպք է գրանցվել Գյումրիում: Քաղաքի «Զույգ աղբյուր» կոչվող թաղամասի Կոմինտերնի փողոցում երեկոյան ժամը 23:00-ի սահմաններում շտապօգնության կանչ տված 28-ամյա երիտասարդը, դաժանորեն ծեծելով, սպանել է շտապ բուժօգնության 65-ամյա վիրաբույժ Աշոտ Գրիգորյանին:

Ըստ նախնական տվյալների՝ երիտասարդը հարբած է եղել: Նա վիճել է հոր հետ, որից հետո հոր առողջական վիճակը վատացել է, և ստիպված են եղել շտապօգնություն կանչել:

Սկզբում երիտասարդը շտապօգնության մեքենայի մեջ հայհոյել և հարվածել է բժիշկին, այնուհետև նրան դուրս է քաշել մեքենայից ու շարունակել է դաժանորեն հարվածել: Բժիշկը, անտեսելով այդ ամենը, սպասարկել է կանչը, և հիվանդի վիճակը լավացել է: Դրանից հետո նա փորձել է հեռանալ հիվանդի բնակարանից, սակայն որդին կրկին հարձակվել է բժիշկի վրա և շարունակել է ծեծել,:Բժիշկի ինքնազգացողությունը կտրուկ վատացել է և, չնայած բուժքրոջ կողմից ցուցաբերված առաջին օգնությանը, նա հենց հիվանդի բնակարանում մահացել է:

«Ընթացքի ժամանակ քաշել-գցել է դուրս ու սկսել է խփել: Հասել են դուռը, սկսել է դռան դիմաց մոր ներկայությամբ ծեծել։ Այնպես է ծեծել խեղճ մարդուն, որ կոշիկները թռել են ոտքերից: Հետո հասել է հիվանդի մոտ, նստել է բազմոցին և ասել է, որ վատ է ու երևի մահանա: Եվ մահացել է»,-ասել է Գյումրիի շտապ բուժօգնության տնօրեն Ռոբերտ Թորոսյանը:

Աղբյուրը` 7or.am