Վրաստանի խորհրդանշական պարսատիկը

Պարսատիկը Վրաստանում, պարզվում է, խորհրդանշական բնույթ ունի: 13 տարի առաջ երկրի պաշտպանության նախարար Դավիթ Տեւզաձեն այն համեմատել էր Վրաստանի հակաօդային պաշտպանության համակարգում տիրող վիճակի հետ, իսկ այսօր, dni.ru կայքի հաղորդմամբ, Սահակաշվիլին ասուլիսի է գնացել պարսատիկով եւ այն համեմատել Վրաստանի նախկին զինված ուժերի հետ:

Ըստ երկրի առաջնորդի` մինչեւ «Վարդերի հեղափոխությունը», այսինքն` իր իշխանության գալը, Վրաստանում մեկ զենք գոյություն ուներ` պարսատիկը, իսկ իր շնորհիվ բանակը հզորացել է եւ համալրվել նոր սարքավորումներով:

Կայքը, սակայն, հիշեցնում է, թե ինչպես 2008թ.-ին Սահակաշվիլիի կազմավորած բանակը, փորձելով լուծել Հարավային Օսիայի խնդիրը, խայտառակվեց: Ռուսական զորքերը ոչ միայն հետ մղեցին վրացական զորքերին Հարավային Օսիայի տարածքից, այլեւ գրավեցին որոշ վրացական տարածքներ: