Քոչարյանին մոնտաժել են. ''Ժողովուրդ''

Հանրային հեռուստաընկերությամբ հեռարձակվող` Սերժ Սարգսյանի քարոզչական տեսահոլովակում երեւացող կադրերը, երբ ցուցադրվում էին նախկինում` այլ առիթներով, դրանցում երեւում էր ՀՀ երկրորդ նախագահ Ռոբերտ Քոչարյանը. գրում է «Ժողովուրդ»-ը: Սակայն քարոզարշավի համար մոնտաժված տեսահոլովակում Քոչարյանը չկա:

«Ժողովուրդ»-ը փորձել է իրավիճակի առնչությամբ պարզաբանումներ ստանալ ՀՀԿ խոսնակ Էդուարդ Շարմազանովից, որն ասել է. «Ես տեղյակ չեմ` ինչ կադրերի մասին եք խոսում: Բայց եթե նման բան կա, ես համոզված չեմ, որ դրանք այն նույն կադրերն են, որտեղ Սերժ Սարգսյանը եղել է Ռոբերտ Քոչարյանի հետ»:

ՀՀԿ խոսնակը խորհուրդ է տվել այլեւս հարցեր չտալ, քանի որ ինքը տեսանյութի ռեժիսորը չէ եւ չի կարող պատասխանել: