Նախագահի եղբայրը դատապարտվել է

Հարավային Կորեայի գործող նախագահ Լի Մյոն Բակն արդեն երկրորդ անգամ չի կարողանում կամ գուցե չի էլ փորձում ազատել իր հարազատներին ճաղերի հետեւում հայտնվելուց:

France- Presse գործակալության հաղորդմամբ` նախագահի ավագ եղբայրը` Լի Սան Դիկը, մեղավոր է ճանաչվել եւ կաշառակերության համար դատապարտվել 2 տարվա ազատազրկման: Ավելին` նա դեռ պետք է 650 հազար դոլար տուգանք վճարի: Հենց այսքան գումար էլ նա որպես կաշառք ստացել էր բանկիրներից եւ գործարարներից:

Կոռուպցիոն սկանդալի բացահայտումից հետո նախագահը բավարարվել էր` ներողություն խնդրելով:

Հաղորդվում է, որ դեռեւս 2012թ.-ին երկրի առաջին տիկնոջ եղբայրը կաշառակերության համար արժանացել էր այս նույն ճակատագրին: