Վրաց պատրիարքը հանդիպելու է Պուտինի հետ

Վրաստանի պատրիարք Իլյա Երկրորդը լավատեսորեն է նայում ռուս-վրացական հարաբերությունների հեռանկարին: Интерфакс գործակալության տվյալներով` վրաց եկեղեցու առաջնորդն այդ մասին հայտարարել է Մոսկվայում` Համայն Ռուսիո պատրիարք Կիրիլի հետ հանդիպումից հետո:

«Կարծում եմ` մերայցը կծառայի փոխըմբռնմանը, մեր ժողովուրդների միջեւ եղբայրական կապերի ամրապնդմանը, եւ այն հիմնախնդիրները, որոնք գոյություն ունեն մեր պետությունների միջեւ, դրական լուծում կստանան»,- նշել է Իլյա Երկրորդը:

Նրա խոսքերով` եկեղեցին արել է ամեն հնարավորը երկու ժողովուրդների միջեւ բարեկամական կապերը պահպանելու համար:

Իլյա Երկրորդը Ռուսաստանում է պատրիարք Կիրիլի հրավերով: Նախատեսվում է նաեւ նրա հանդիպումը ՌԴ նախագահ Վլադիմիր Պուտինի հետ: