Տարոնին 200 մլն է պետք

«Ժամանակի» տեղեկություններով` Երեւանի քաղաքապետ Տարոն Մարգարյանը դիմել է կառավարություն՝ խնդրելով գումար հատկացնել քաղաքապետարանին։

«Երեւան քաղաքում գրեթե բոլոր բազմաբնակարան շենքերը եւ թաղամասերը գազիֆիկացված են, բացառությամբ Աջափնյակ վարչական շրջանի «Նորաշեն», 16-րդ թաղամասի թվով 29 բարձրահարկ բազմաբնակարան բնակելի շենքերի»,- թերթի հաղորդմամբ` հիմնավորման մեջ գրել է Տարոն Մարգարյանը՝ կառավարության պահուստային ֆոնդից 200 միլիոն դրամ խնդրելով։

Ի դեպ, ավելացնում է «Ժամանակը», վարչապետ Տիգրան Սարգսյանը տեւական ժամանակ խոստացել է լուծել 16-րդ թաղամասի գազիֆիկացման հարցը, սակայն աջափնյակցիները, փաստորեն, այս ձմեռ էլ մնացին առանց գազի։