Աստված չի փոշմանի, ես կընտրվեմ. Վարդան Սեդրակյան

ՀՀ նախագահի թեկնածու, էպոսագետ Վարդան Սեդրակյանը վստահ է, որ փետրվարի 18-ին կայանալիք նախագահական ընտրություննում հավաքելու է 81 տոկոս ձայն: Այսօր լրագրողների հետ հանդիպման ժամանակ էպոսագետը «պարզաբանեց», թե ինչպես է կատարել այդ հաշվարկը: Պարզվում է` 81 տոկոս ձայնը տիեզերքում է կանխորոշվել, այն տիեզերքը, որն, ըստ նախագահի թեկնածուի, անգամ թիթեռների կյանքով է հետաքրքրված:

Ձեզ ենք ներկայացնում Yerkir.am-ի եւ նախագահի էպոսագետ թեկնածու բլից երկխոսությունն այսօրվա ասուլիսում:

-Պար'ոն Սեդրակյան, հետաքրքիր է` ինչո՞վ եք զբաղվելու նախագահական ընտրություններից հետո:

- Կատարելու եմ իմ պաշտոնական պարտականությունները:

- Իսկ եթե, այդուհանդերձ, չընտրվե՞ք:

- Եթե չկա:

-Տեսեք, Դուք ինքներդ եք ասում, որ «Վերեւում Աստված կա», իսկ եթե Աստված որոշի, որ ՀՀ չորրորդ նախագահը Դուք չեք լինի:

-Նման բան չի կարող լինել, ամեն ինչ արդեն որոշել է:

-Բայց ի՞նչ գիտեք, ինչպե՞ս է Աստված իր այդ որոշումը Ձեզ փոխանցել:

-Փետրվարի 19-ին կհանդիպենք, մանրամասն կպատմեմ:

-Կպատմեք Աստծո հետ` Ձեր հաղորդակցվելու մասի՞ն:

-Անպայման:

-Իսկ եթե Աստված փոշմանի:

-Նման բան չի կարող լինել:

-Ինչո՞ւ չի կարող, այդքան վստա՞հ եք Աստծո որոշումների վրա:

-Մի քիչ ավելի շատ, քան Դուք պատկերացնում եք: Կհանդիպենք նախագահական նստավայրում:

Ագնեսա Խամոյան