Աստված ամեն ինչ իր տեղը կգցի. Վարդան Ղուկասյան

Օրեր առաջ, երբ նախագահ Սերժ Սարգսյանը մեկնել էր Գյումրի, տեսախցիկները ֆիքսել էին, թե ինչպես է Սերժ Սարգսյանը, դեմքի դժգոհ արտահայտությամբ, խոսում կամ ըստ երևույթին, նախատում Գյումրու քաղաքապետ Սամվել Բալասանյանին: Դրանից հետո սկսեցին շրջանառվել խոսակցություններ, թե Սամվել Բալասանյանը հրաժեշտ կտա Գյումրու քաղաքապետի պաշտոնին, և որ հնարավոր է` Գյումրու նախկին քաղաքապետ Վարդան Ղուկասյանը դարձյալ զբաղեցնի այդ պաշտոնը:

Yerkir.am-ի հետ զրույցում, պատասխանելով այն հարցին, թե առաջիկայում հնարավո՞ր է  նման գործընթաց, Վարդան Ղուկասյանը պատասխանեց. «Ես ձեզանից եմ լսում, ինչ որ դուք ասում եք: Եվ հետո` քաղաքականությամբ չեմ զբաղվում, ընդհանրապես քաղաքականությամբ չեմ հետաքրքրվում»:

Հարցին` իսկ ապագայում նույնպե՞ս չի զբաղվելու քաղաքականությամբ, Վարդան Ղուկասյանը պատասխանեց. «Կապրենք, կտեսնենք, կգա ժամանակը, Աստված ամեն ինչ իր տեղը կգցի: Իսկ իմ առաջիկա անելիքների մասին կրկին ասեմ, որ կգա ժամանակը, ամեն ինչ կիմանաք»: