Հայտարարություն տարածողը Լյուդմիլա Սարգսյանի ՍԴՀԿ-ն չէ

Քիչ առաջ Սոցիալ Դեմոկրատ Հնչակյան կուսակցության վարչության կողմից տարածվել էր հաղորդագրություն, որում նշված էր, թե ՍԴՀԿ Հայաստանի վարչությունը 2012 թ. դեկտեմբերի 23-ին հրավիրած ժողովում որոշել է առաջիկա նախագահական ընտրություններում սատարել Սերժ Սարգսյանի թեկնածությանը:

Նշենք, որ ՍԴՀԿ ատենապետուհին ԱԺ ՀԱԿ խմբակցության պատգամավոր Լյուդմիլա Սարգսյանն է, ուստի այս համատեքստում առավել քան զարմանալի է, որ ՍԴՀԿ-ի կողմից նման հայտարարություն է տարածվում:

Yerkir.am-ի հետ զրույցում կուսակցությունից տեղեկացրեցին, որ հայտարարությունը տարածվել է ինքնակոչների կողմից, եւ դա այն ՍԴՀԿ-ն չէ, որի ատենապետուհին է Լյուդմիլա Սարգսյանը: