Երջանիկ լինելու համար` ընդամենը 9 փոփոխություն

Երջանիկ լինելու  համար առօրյա կյանքում ընդամենը 9 փոփոխություն է պետք կատարել: Եվ այսպես`

1. Օրը սկսեք սպասումով, ընդ որում` ինչ-որ լավ բանի:

2. Ժամանակ գտեք առաջնահերթությունները ծրագրելու ու հերթով դասավորելու համար: Սթրեսի հիմնական աղբյուրը զբաղվածությունն է` աշխատանքը, սակայն դրա վրա պետք  չէ կենտրոնանալ:

3. Բոլորին նվերներ մատուցեք: Եվ բոլորովին պարտադիր չէ, որ դրանք իրեր լինեն, բավական է ժպիտը, բարի խոսքը եւ այլն:

4. Քաղաքական վիճաբանությունների մեջ մի մտեք: Քաղաքականության ու կրոնի մասին բանավեճերը ոչ մի տեղ չեն հասցնում: Արդյունքում` մարդիկ բորբոքվում են, վիրավորում միմյանց:

5. Սպասեք, որ միայն բարիին եք հանդիպելու: Հարկավոր չէ մարդկանց չար համարել:

6. Կերեք դանդաղ եւ միայն բարձրորակ սնունդ:

7. Կատարվածի, արդյունքների մասին մի մտածեք, երբ աշխատանքն արվել է, այլեւս ոչինչ հնարավոր չէ փոխել: Կենտրոնացեք ընթացիկ գործերի վրա:

8. Անջատեք հեռուստացույցը, որ իներցիայով եք միացնում` որպես ֆոն, դա միայն ավելորդ դժգոհություն է առաջացնում:

9. Օրն ավարտեք շնորհակալությամբ: Մինչ քնելը գրեք, թե օրվա ընթացքում ինչ լավ բաներ են կատարվել: