54-ամյա տղամարդը զրկվել է մատներից տոնական պայթուցիկների պատճառով

Թեեւ Ամանորին դեռ մեկ շաբաթից ավելի կա, այնուամենայնիվ, քաղաքի տարբեր հատվածներում մարդիկ սկսել են տոնել այն` որոշ դեպքերում ոչ բարեհաջող ավարտով:

Երեկ հիվանդանոցից ոստիկանության Կենտրոնականի բաժնում հաղորդում է ստացվել, որ «աջ դաստակի 1-ին, 2-րդ և 3-րդ մատերի պայթյունային վնասվածք, 1-ին և 3-րդ մատերի լրիվ անդամահատում» ախտորոշմամբ իրենց մոտ բուժօգնության է դիմել 1958 թ. ծնված Ռոբերտ Պ.-ն. հայտնում են ոստիկանության լրատվական բաժնից:

Պարզվել է, որ նա Չարենցի փողոցի թիվ 70 շենքի բակում ամանորյա պայթուցիկը պայթեցնելիս ստացել է  վնասվածքներ:
Ըստ բժշկի տեղեկանքի` Ռոբերտ Պ.-ն ի վիճակի չի եղել հաղորդում տալ: 

Կատարվում է հետաքննություն: