Ուզում ա Քլինթոնը լիներ, Պուտինը լիներ՝ Սերժ Սարգսյանն ա հաղթելու. Մանվել Գրիգորյան

Շաբաթ օրը կայացած ՀՀԿ համագումարին շատերի նման եկել էին նաեւ գեներալներ Մանվել Գրիգորյանն ու Սեդրակ Սարոյանը: Վերջինս արդեն տեւական ժամանակ է Yerkir.am-ի թղթակցի հետ չի խոսում՝ պատճառաբանությամբ, որ ոտքն է ցավում, խոսել չի կարող: Եվ թեեւ գեներալները շտապում էին, բայց այդուհանդերձ, Մանվել Գրիգորյանը պատասխանեց մեր մի քանի հարցերին:

-Պրն Գրիգորյան, ի՞նչ եք կարծում, Սերժ Սարգսյանը կհաղթի՞:

-Հեն ա հաղթած ա, էլ ինչ պիտի թազա հաղթի:

-Բայց ի՞նչն է Ձեզ նման վստահություն ներշնչել:

-Որովհետեւ Արցախի խնդիր ունենք, որպես զինվորական համարում եմ, որ Սերժ Սարգսյանն ամենվստահելի մարդն ա:

-Իսկ եթե Գագիկ Ծառուկյանն առաջադրվեր ու Սերժ Սարգսյանին մրցակից լիներ, կրկի՞ն այսքան վստահ կլինեիք Ձեր թեկնածուի հաղթանակի հարցում:

-100 տոկոս: Ուզում ա Քլինթոնը լիներ, Պուտինը լիներ, էլի սենց վստահ կլինեի, որ Սերժ Սարգսյանն ա հաղթելու: Ես իմ երկրին ու պետությանն եմ հավատում:

-Իսկ, ըստ Ձեզ, ինչո՞ւ Գագիկ Ծառուկյանը չառաջադրեց:

-Իրան հարցրա, ամեն մարդ ինքն ա որոշում՝ ինչ ա անում կամ ինչ ա ընտրում:

-Դուք տեղեկություններ չունե՞ք, թե որն էր Ծառուկյանի՝ նման որոշման պատճառը:

-Չէէէ, այ մարդ...ես ինչ գործ ունեմ:

Ագնեսա Խամոյան