Երեխաները կծանոթանան Հակոբ Գյուրջյանի քանդակների հերոսներին

Ավարտին է մոտենում 2012-ը, երբ մեր Երևանը հռչակվել էր գրքի մայրաքաղաք: Մինչև տարվա ավարտը և նոր տարուն ընդառաջ Հայաստանի ազգային պատկերասրահում կանցկացվի «Ստեղծելով հեքիաթը» խաղ-էքսկուրսիան:

yerkir.am-ին Հայաստանի ազգային պատկերասրահից տեղեկացրին, որ խաղի մասնակիցները կիմանան, թե ինչ մասերից է բաղկացած ու ինչ սկզբունքով է կառուցվում գիրքը: Ծրագիրը հնարավորություն կտա երեխաներին ծանոթանալ հայ մեծ քանդակագործ Հակոբ Գյուրջյանի քանդակների հերոսներին և ստեղծել նրանց մասնակցությամբ սեփական Ամանորյա պատմվածքը կամ հեքիաթը, որը և կվերածեն գրքի:

Ծրագիրը նախատեսված է 7-9 և 10-12 տարեկան երեխաների համար: