Մրցակիցն ամեն ինչ կանի` հաղթելու համար. Արթուր Աբրահամ

Սուպերմիջին քաշային կարգում WBO վարկածով պրոֆեսիոնալ բռնցքամարտի չեմպիոնի տիտղոսը պաշտպանելու համար հայազգի բռնցքամարտիկ Արթուր Աբրահամը կմենամարտի ֆրանսիացի  Մեհդի Բուադլայի հետ: Նյուրնբերգում կայացած մամուլի ասուլիսից առաջ մարզիկները և Աբրահամի մարզիչ  Ուլի Վեգները պատմել են սպասելիքների մասին:

«Դժվար մենամարտ է սպասվում, քանի որ սա կարող է վերջին հնարավորությունը լինել Բուադլայի կարիերայում չեմպիոնական մենամարտի մասնակցելու տեսանկյունից: Նա կձգտի անել ամեն հնարավորը հաղթելու համար»,- Աբրահամի խոսքերն է մեջբերում  boxingscene-ը:

«Ես միշտ հավատացել եմ, որ Արթուր Աբրահամը կարող է լինել սուպերմիջին քաշային կարգում աշխարհի չեմպիոն: Դա ապացուցեց օգոստոսին Շտիգլիցի հետ անցկացրած նրա հզոր մենամարտը:  Նա փորձառություն է ձեռք բերել և առաջադիմել է որպես մարզիկ»,- ասել է Վեգները:

Ինչպեսև հայ մարզիկը ենթադրել էր, 30-ամյա Բուադլան վճռական է տրամադրված. «Իմ նախապատրաստությունն անցել է չափազանց բարենպաստ` Աբրահամից տիտղոսը խլելու համար»:

Աբրահամ - Բուադլա մենամարտը տեղի կունենա դեկտեմբերի 15-ին Նյուրնբերգում: