Թուրքիան ամեն ինչ կանի` բացահայտելու համար Նոր Զելանդիայի ահաբեկչությունը. Թուրքիայի փոխնախագահ

Թուրքիայի փոխնախագահ Ֆուաթ Օքթայը և ԱԳՆ ղեկավար Մևլութ Չավուշօղլուն, այցելելով Նոր Զելանդիայի Էլ Նուր մզկիթը, որտեղ տեղի էր ունեցել ահաբեկչությունը, համատեղ հայտարարություն են արել. sabah.com.tr կայքը:

«Մեր երկու երկրների բարեկամությունը շեշտելու համար ցանկացանք ծաղկեպսակ դնել: Այդ` մանիֆեստ կոչված թուղթը թիրախավորել է մեր երկիրը, մեր նախագահին: Կարծում ենք, որ նման սպառնալիքներ պարունակող փաստաթուղթը մի հոգու կողմից չի կարող պատրաստված լինել, այնուհետև` կյանքի կոչվել: Թուրքիան իր ձեռքից եկած ամեն ինչ կանի` դա բացահայտելու համար»,- մասնավորապես  ասել է Օքթայը:

Ըստ նրա` այս ամենը ցույց է տալիս, որ աշխարհը դեռևս անհրաժեշտ դասեր չի քաղել: «Պետք է դադարեցնել իսլամաֆոբ հայտարարությունները, ահաբեկչին կամ ահաբեկչությունը կապել մի կրոնի հետ: Աշխարհագրորեն շատ հեռու ենք, սակայն  մեր սրտերը մոտ են: Թուրքիան մշտապես նույն դիրքորոշումն ունի` կանգնած է խաղաղության կողքին»,- հայտարարել է Օքթայը: