Տիգրան Սարգսյանը ''Կարֆուր''-ի համար ամեն ինչ կանի

Վարչապետ Տիգրան Սարգսյանը հանդիպել է «Կարֆուրի» ներկայացուցիչների հետ: Այս մասին նա հայտնեց ԱԺ ավանդական ճեպազրույցում եւ հավելեց, որ քննարկել են իրենց հետաքրքրող բոլոր հարցերը:

«ՀՀ-ն եւ կառավարությունը խիստ շահագրգռված են, որ «Կարֆուրը» ներկայացված լինի մեր շուկայում եւ մատուցի այն ծառայությունները, որ մատուցում է, քանի որ այն կարեւոր է մեր տնտեսության եւ մրցակցային դաշտի ձեւավորման համար, դա նոր մշակույթի ներդրում է: «Կարֆուրն» անպայման պետք է ներկայացված լինի ՀՀ-ում, եւ մենք առաջարկել ենք մեր աջակցությունը, որ այն հնարավորինս արագ հայտնվի մեր շուկայում»,- հայտարարեց Տիգրան Սարգսյանը:

Վարչապետը վստահեցրեց, որ «Կարֆուրի» համար որեւէ խոչընդոտ չկա, միակ խնդիրը երկու մասնավոր սուբյեկտի միջեւ կնքված հուշագրի սկզբունքները պահպանելու խնդիրն է: