Swiss Indoors Open-2011

Շվեյցարական Բազելում շարունակվում է Swiss Indoors Open-2011 տղամարդկանց մրցաշարը:

Աշխարհի ուժեղագույն թենիսիստ սերբ Նովակ Ջոկովիչը 2 սեթերի արդյունքում հաղթանակ է տոնել լեհ Լուկաշ Կուբոտի նկատմամբ: 55 րոպեում Նովակը 6/1, 6/2 հաշվով ամրապնդվեց քառորդ եզրափակչում:

1/4 եզրափակչում Ջոկովիչը կհանդիպի Կիպրոսի ներկայացուցիչ Մարկոս Բագդատիսի հետ, ով ավելի վաղ առավելության էր հասել շվեյցարացի Միխայել Լամերի նկատմամբ:

Ամերիկացի Էնդի Ռոդիկը հանդիպել էր չեխ Ռադեկ Շտեպանեկի հետ: Երեք սեթերի արդյունքում 2/6, 6/3, 6/3 հաշվով Ռոդիկը պայքարից դուրս թողեց Շտեպանեկին: Հանդիպումը տեւել է 1 ժամ 43 րոպե:

Քառորդ եզրափակչում Ռոդիկը մրցապայքարի դուրս կգա  շվեյցարացի Ռոջեր Ֆեդերերի հետ, ով իր հերթին առավելության էր հասել Ֆինլանդիայի ներկայացուցիչ Յարկո Նիեմինենի նկատմամբ: