Կարոլին Վոզնյացկին հաղթեց e-Boks Sony Ericsson Open 2011-ում

Կոպենհագենում անցկացվող e-Boks Sony Ericsson Open 2011 մրցաշարի հաղթող է ճանաչվել աշխարհի ուժեղագույն թենիսիստուհի, 20-ամյա դանիացի Կարոլին Վոզնյացկին։ Եզրափակիչում Կարոլինն իր ուժերը չափել է չեխ, 24-ամյա Լյուսի Շաֆարժանովայի հետ։ Երկու սեթերի արդյունքում` 6։1, 6։4 հաշվով Կարոլինը նվաճել է իր կարիերայի 17-րդ տիտղոսը: Հանդիպումը տևել է 1 ժամ 7 րոպե։

«Այնքան հաճելի է, երբ հաղթում ես հայրենիքում: Դա ուրիշ զգացողություն է»,- ասել է թենիսիստուհին:

e-Boks Sony Ericsson Open 2011-ում հաղթելու համար Վոզնյացկին կստանա 37, 000 ԱՄՆ դոլար և 280 միավոր WTA վարկանիշի հաշվին, իսկ Շաֆարժանովան՝ 19, 000 ԱՄՆ դոլար և 200 միավոր։