Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

Փոխարժեքներ 22 11 2024

USD

⚊

$ 389.45

EUR

⚊

€ 409.74

RUB

⚊

₽ 3.86

GBP

⚊

£ 491.95

GEL

⚊

₾ 142.08

0 դիտում,

13 տարի առաջ - 2011-09-13 16:05

Սպորտ

Ջոկովիչը հաղթեց US open-2011-ը

Նյու Յորքում ավարտվեց «Մեծ սաղավարտի» վերջին` US Open-2011 մրցաշարը։ Տղամարդկանց պայքարի եզրափակչում աշխարհի ուժեղագույն թենիսիստ 24-ամյա սերբ Նովակ Ջոկովիչը ուժերը չափեց աշխարհի երկրորդ ուժեղագույն թենիսիստ 25-ամյա իսպանացի Ռաֆայել Նադալի հետ։

Դժվարին պայքարում` 4 ժամ 10 րոպեում, Ջոկովիչը 4 սեթերի արդյունքում` 6/2, 6/4, 6/7(3), 6/1 հաշվով պարտության մատնեց Նադալին: Ջոկովիչը ֆիզիկապես հիանալի էր պատրաստված: Այս թենիսիտը վերջին մի քանի մրցաշարերում, անկախ արդյունքից, արագություն և ուժ է ցույց տալիս, որն էլ ենթադրում է դիմացկունություն, նա չի հոգնում և նրա հարվածները չեն կորցնում կտրուկությունը:

Հարկ է նշել, որ Նադալ-Ջոկովիչ դիմակայությունը երբեք էլ հարթ չի եղել իսպանացու համար, իսկ տեխնիկապես և տակտիկական հնարքներով միայն Ռոջեր Ֆեդերերը նրան կարողացավ հեռացնել ճանապարհից Ռոլան Գարոսում:

Բաց առաջնության պատմության մեջ Նովակը դարձավ 6-րդ թենիսիստը, ում հաջողվել է 3 տիտղոս նվաճել մեկ մրցաշրջանում` Australian Open, Ուիմբլդոն և US Open:

Հավելենք, որ եթե սերբ թենիսիստը կարողանա հաղթել հաջորդ Ռոլան Գարոսը, նրան կշնորհվի «Մեծ սաղավարտը»:

Լուսանկարները և տեսանյութը տե'ս Haysport.am-ում: