Րաֆֆի Հովհաննիսյանը հանդիպեց ԱՄՆ դեսպանի հետ

«Ժառանգության» կենտրոնական գրասենյակում կուսակցության վարչության նախագահ և առաջնորդ Րաֆֆի Հովհաննիսյանն այսօր հանդիպել է ՀՀ-ում ԱՄՆ նորանշանակ դեսպան Ջոն Հեֆերնի հետ: Հանդիպման կողմերը տեսակետներ են փոխանակել արտաքին ու ներքին քաղաքականության բազմաթիվ հարցերի վերաբերյալ:

Նույն օրը «Ժառանգություն» խմբակցության ղեկավար Ստյոպա Սաֆարյանը և կուսակցության մամլո խոսնակ Հովսեփ Խուրշուդյանը հանդիպել են Վերակառուցման և զարգացման եվրոպական բանկի (ՎԶԵԲ) փոխնախագահ Յան Ֆիշերի գլխավորած պատվիրակության հետ, որի կազմում էին` ՎԶԵԲ գրասենյակի տնօրեն Վալերյու Ռազլոգը, նախագահի գլխավոր խորհրդական Ալեքսանդր Պիվովարսկին, գլխավոր քաղաքագետ Ֆրանկլին Սթիվսը, տարածաշրջանային տնօրեն Պոլ-Հենրի Ֆոբեստիերը: Հյուրերի խնդրանքով Սաֆարյանը և Խուրշուդյանը ներկայացրել են կուսակցության մոտեցումները ներքին ու արտաքին քաղաքականության կարեւորագույն հարցերի վերաբերյալ: