Հովիկ Աբրահամյանը կմնա ԱԺ-ում

Այսօր լրագրողների հետ հանդիպման ընթացքում Աժ նախագահ Հովիկ Աբրահամյանը վերահաստատել է, որ իր հրաժարականի պատճառը  ՀՀԿ նախընտրական շտաբը ղեկավարելն է: «Բոլորովին վերջերս է ընդունվել Ընտրական օրենսգիրքը և խնդիր է դրված պատշաճ կազմակերպել ու անցկացել ընտրությունները»,- ասել է Հովիկ Աբրահամյանը`  հավելելով, որ ոչ մի վատ բան չի լինի, եթե ԱԺ-ն 5-6 ամիս ուրիշը ղեկավարի: ԱԺ նախագահը խորհուրդ է տվել վերջին իրադարձություններում խորքային պատճառներ փնտրել պետք չէ:

«Կարևոր է մեր կուսակցության ապագան, որտեղ ես տեսնում եմ նաև իմ ապագան»,- հայտարարել է նա:

Հովիկ Աբրահամյանը հիշեցրել է նաեւ, որ ինքը ՀՀԿ նախընտրական շտաբը ղեկավարել է թե 2007թ-ի խորհրդարանական, թե 2008 թ-ի նախագահական ընտրությունների շրջանում:

Հովիկ Աբրահամյանը հրաժարականից հետո մանդատը վայր չի դնի եւ կշարունակի գործունեությունը խորհրդարանում:

Նա չի բացառել, որ ընտրություններից հետո կարող է զբաղեցնել վարչապետի պաշտոնը, քանի որ քաղաքականության մեջ ոչինչ բացառել չի լինի: «ո՞վ կմտածեր, որ ես հրաժարական կտամե,- նշել էր նա` հավելելով, որ ՀՀԿ-ում նման քննարկում չի եղել»:

Իսկ ավելի վաղ, «Ազատություն» ռադիոկայանին տված հարցազրույցում Հովիկ Աբրահամյանը նշել էր, որ ընտրություններում հաղթանակից հետո ինքն ավելի ցածր պաշտոնի չի գնա: «Պարզ  չէ, չէ՞, որ Աբրահամյան Հովիկը ավելի ցածր պաշտոն չի ստանալու։ Եվ ես գտնում եմ, որ իմ որոշումը ճիշտ էր»,- ասել էր նա։