Օբամայի վարչակազմը մտադիր է Թուրքիային ռազմական ուղղաթիռներ վաճառել

Օբամայի վարչակազմը խորհրդակցություններ է անցկացնում Կոնգրեսի հետ Թուրքիային ծովային տեղակայման ռազմական ուղղաթիռներ վաճառելու կապակցությամբ:

Թուրքիան ծրագրում է AH-1 SuperCobra ուղղաթիռները կիրառել քուրդ ապստամբների դեմ պայքարում:

Սպիտակ տան ծրագրով` փոխանակում է նախատեսվում. ԱՄՆ ռազմածովային ուժերը ստանալու են 2 նորագույն Textron Inc Bell AH-1Z SuperCobras ուղղաթիռներ, իսկ դուրս գրված 3 հատ AH-1W ուղղաթիռները կտրամադրվեն Անկարային. տեղեկացնում է Reuters գործակալությունը:

Ի դեպ, ՆԱՏՕ-ի անդամ, Միջերկրական ծովում ԱՄՆ դաշնակից Թուրքիային ուղղաթիռներ վաճառելու մասին բանավեճը զարգանում է թուրք-իսրայելական հարաբերությունների վատացման հետեւանքով թուրք-ամերիկյան հարաբերություններ էլ սառեցնելու տարբերակների քննարկման ֆոնին. հայտնի է, որ Իսրայելը ԱՄՆ մերձավորարեւելյան գլխավոր դաշնակիցն է:

Արարողակարգային նորմերով` Սպիտակ տունը Կոնգրեսին 15 օր է տալու` երրորդ երկրի զենք վաճառելու առաջարկը քննարկելու համար: