"Արաբական գարնան" ակտիվիստներին շնորհվել է Սախարովի անվան մրցանակ

«Արաբական գարնան» 5 ակտիվիստների շնորհվել է Սախարովի անվան մրցանակ, որը սահմանել է Եվրախորհրդարանը: Մրցանակակիրներն են` թունիսցի Մուհամեդ Բուազիզին, եգիպտուհի Ասմաա Մահֆուզը, լիբիացի Ահմեդ աս Սանուսին, նաեւ սիրիացիներ Ռազան Զեյթունեն եւ Ալի Ֆարզաթը: Ընդ որում` Բուազիզին պարգեւատրվել է հետմահու. 2010-ի դեկտեմբերին ինքնահրկիզվել է` չդիմանալով ոստիկանների կտտանքներին: Այդ ինքնասպանությունն էլ զանգվածային ընդվզումների ալիք բարձրացրեց, որի հետեւանքով Թունիսում վարչակարգ փոխվեց. տեղեկացնում է mignews.com-ը:

Անդրեյ Սախարովի անվան ամենամյա մրցանակը շնորհվում է 1988-ից: Մրցանակի թեկնածուներին առաջադրում են Եվրախորհրդարանի պատգամավորական խմբակցությունները: Մրցանակակիրները ստանում են 50 հազար եվրո: Այս տարվա մրցանակաբաշխությունը տեղի կունենա դեկտեմբերի 14-ին Ստրասբուրգում: